TAKWIMU: Watanzania Bado Wanakabiliwa na Tatizo la Udumavu wa Akili na Mwili

Mgeni rasmi wa ufunguzi wa Mkutano wa uhamasishaji wa Afya na lishe kwa vijana (hasa kwa wasichana),Mkurugenzi wa Kinga,Wizara ya Afya,Maendeleo ya jamii,Jinsia,Wazee na watoto Dkt.Neema Rusibamayila akisoma hotuba wakati wa mkutano huo ambao wa siku tatu unaofanyika kwenye ukumbi wa Kimataifa wa Julius Nyerere

Kaimu Mkurugenzi wa Taasisi ya Chakula na Lishe Tanzania (TFNC) Dkt.Joyce Kaganda akizungumza kwenye mkutano huo.

Baadhi wa washiriki wa mkutano huo wakifuatilia uwasilishaji wa mada.Mkutano huo wa Kimataifa unawashirikisha viongozi wa juu wa serikali, mashirika na taasisi binafsi pamoja na wadau wa maendeleo nchini na nje ya nchi.

....................................

Takwimu ya hali ya lishe nchini kwa mwaka 2015/16

inaonyesha kuwa bado kuna uwepo wa hali ya tatizo

la udumavu kwa watanzania hususani katika udumavu

wa akili na mwili.

Akizungumza hayo Dar es Salaam jana,Mkurugenzi

Msaidizi wa Lishe wa Waziri wa Afya, Maendeleo ya

Jamii, Jinsia, Wazee na Watoto ,Dkt Vicent Assey

wakati wa mkutano wa wadau mbalimbali wa

Afyanchini, alisema sababu kubwa inayosababisha

watoto kuzaliwa na hali ya udumavu ni kutokuwepo na

mpangilio mzuri wa vyakula.

Alisema jamii bado inachangamoto ya kutojua lishe

bora kwa wakati muafaka inayozingatia mlo kamili na

kujua ni wakati gani chakula kinatakiwa kuliwa kwa

mtoto.

Dkt Assey alisema serikali inaendelea kuweka nguvu

katika kusaidia kutatua tatizo hilo ambapo hadi

sasa tatizo hilo limepungua kutoka asilimia 42 hadi

34.

Alisema kutokana na takwimu hizo inaonyesha hali

imeanza kuwa nzuri kwa kutatua  tatizo hilo ambapo

kuna baadhi ya mikoa iliyofanya vizuri katika

kutokomeza hali hiyo ikiwemo Dar es Salaam

ikionmyesha hali ya udumavu ni asilimia 14.6 huku

mikoa mingine bado hali yake sio nzuri katika

tatizo hilo.

Kwa Upande wake Mkurugenzi Mkazi wa taasisi ya

Micro  nutrient inifiative,Dkt Daniel Nyagawa

alisema mkutano huo umejumuisha wadau mbalimbali

kutoka serikalini,mashirika ya kimataifa,taasisi

zisizokuwa za kiserikali kutoka katika nchi nne

ikiwemo Senegal,Ethiopia,Kenya na Tanzania.