Sarafu ya Nigeria kushuka

Benki kuu ya Nigeria itaruhusu sarafu yake kushuka thamani kuanzia juma lijalo.

Akihutubia kwa njia ya televisheni, Gavanna wa benki kuu Godwin Emefiele amesema, thamani ya kubadilisha fedha itakuwa ikidhibitiwa

Tangu mwezi wa Februari mwaka jana thamani ya ubadilishaji fedha ilikua ni kiasi cha naira 197 kwa dola moja ya marekani na katika masoko yasiyo rasmi gharama yake inafika mpaka karibu na Naira 350.

Hatua hiyo inakusudia kupambana na changamoto ya kukosekana kwa fedha za kigeni,kulikosababishwa na kuanguka kwa bei ya mafuta na kuvutia wawekezaji.

Lakini hali hii inaweza kusababisha kupanda kwa gharama za bidhaa na kusababisha athari kubwa kwa mamilioni ya Raia wa Nigeria wanaoishi kwenye lindi la umasikini.